İlqar Aydın oğlu İsbatov 

Doğulduğu tarix və yer: 04.09.1964, Bakı şəhəri

Təhsili: 1981-ci ildə Azərbaycan Mühəndis-İnşaat İnstitutunun Memarlıq fakültəsinə daxil olub, 1984-cü ildə təhsilini Moskva Memarlıq İnstitutunun şəhərsalma fakültəsində davam etdirib. 1987-ci ildə Moskva Memarlıq İnstitutunu memarlıq ixtisası üzrə fərqlənmə diplomu ilə bitirib. Memarlıq üzrə fəlsəfə doktorudur.

Əmək fəaliyyəti: 

1987-ci ildə Bakı Dövlət Layihə İnstitutunun Baş plan emalatxanasında əmək fəaliyyətinə başlayıb. 1987-1998-ci illərdə Bakı Dövlət Layihə İnstitutunda memar və aparıcı memar vəzifələrində, 1998-2002-ci illərdə “Azərdövlətlayihə” Dövlət Baş Layihə İnstitutunda qrup rəhbəri və layihənin baş memarı vəzifələrində, 2002-2008-ci illərdə “Feniks-AA” Məhdud Məsuliyyətli Cəmiyyətinin direktoru vəzifəsində çalışıb.

2008-ci il etibarən Azərbaycan Respublikasının Dövlət Şəhərsalma və Arxitektura Komitəsinin Bakı Dövlət Layihə İnstitutunun direktoru vəzifəsində çalışıb.

Azərbaycan Respublikası Prezidentinin 19 iyun 2019-cu il tarixli Sərəncamı ilə İlqar Aydın oğlu İsbatov Azərbaycan Respublikası Dövlət Şəhərsalma və Arxitektura Komitəsi sədrinin müavini vəzifəsinə təyin edilib.

İlqar İsbatov Azərbaycan Respublikası Prezidentinin 9 aprel 2010-cu il tarixli Sərəncamı ilə “Tərəqqi” medalı ilə təltif edilib, 10 aprel 2012-ci il tarixli Sərəncamı ilə “Əməkdar Memar” fəxri ada layiq görülüb, 18 dekabr 2017-ci il tarixli Sərəncamı ilə “Şöhrət ordeni” ilə təltif edilib.

Azərbaycan Respublikası Prezidentinin 4 mart 2026-cı il tarixli Sərəncamı ilə İlqar İsbatov “Azərbaycan Respublikası Prezidentinin fəxri diplomu” ilə təltif edilib.