Tədbir Dövlət Şəhərsalma və Arxitektura Komitəsi, BMT-nin Məskunlaşma Proqramı (UN-Habitat), Bakı İqlim və Sülh Fəaliyyəti Mərkəzi (Baku Hub) və Beynəlxalq Miqrasiya Təşkilatının (BMqT) birgə təşkilatçılığı ilə baş tutub.

Tədbirdə çıxış edəb Dövlət Şəhərsalma və Arxitektura Komitəsinin Aparat rəhbərinin müavini, WUF13 üzrə milli koordinatorun müavini Gülşən Rzayeva bildirib ki, Azərbaycan COP və WUF platformaları vasitəsilə gələcək üçün mühüm irs formalaşdırır. O, Azərbaycanın post-münaqişə dövründə həyata keçirdiyi genişmiqyaslı quruculuq və bərpa işlərindən bəhs edib.