Sentyabrın 3-də Dövlət Şəhərsalma və Arxitektura Komitəsinin sədri Anar Quliyev Alman-Azərbaycan Xarici Ticarət Palatasının icraçı direktoru və İdarə Heyətinin üzvü Nargis Wieck ilə görüşüb.

Görüş zamanı şəhərlərin regenerasiyası, dayanıqlı inkişaf, memarlıq və ərazi planlaşdırılması sahələrində əməkdaşlıq, həmçinin müvafiq təcrübə və qabaqcıl yanaşmaların mübadiləsi imkanları müzakirə edilib.

Həmçinin Almaniya şirkətlərinin Azərbaycandakı layihələrə cəlb olunması, investisiyaların təşviqi və ölkələrimiz arasında işgüzar əlaqələrin genişləndirilməsi imkanları da nəzərdən keçirilib.