Mayın 17-də WUF13 Nazirlər Görüşünün Tematik Panelərinin açılışında çıxış edən WUF13 üzrə milli koordinatorun müavini, Azərbaycan Respublikası Dövlət Şəhərsalma və Arxitektura Komitəsinin Aparat rəhbərinin müavini Gülşən Rzayeva qeyd edib: “Yaşayış yalnız infrastruktur deyil. Bu, insanlar, imkanlar, dayanıqlılıq və şəhərlərimiz, icmalarımız üçün qurmaq istədiyimiz gələcəkdir.”

Çıxış zamanı yaşayış məsələlərinin sosial rifah, iqtisadi inkişaf, inklüzivlik və dayanıqlı şəhər planlaşdırılması ilə sıx bağlı olduğu vurğulanıb. Qeyd olunub ki, WUF13 bu istiqamətdə beynəlxalq təcrübə mübadiləsi və birgə həllərin təşviqi üçün mühüm platformadır.