Müzakirələrdə böhran və məcburi köçkünlükdən sonra mənzil təminatının bərpa, qayıdış və uzunmüddətli sabitliyin əsas elementlərindən biri kimi rolu vurğulanıb, bu sahədə həyata keçirilən layihələr və real təcrübələr təqdim olunub.

Tədbirdə Dövlət Şəhərsalma və Arxitektura Komitəsinin Layihələrin idarə edilməsi şöbəsinin müdiri Ramil Cahangirov çıxış edib. Sessiya çərçivəsində Azərbaycanın Böyük Qayıdış Proqramı və Azərbaycan Respublikası Dövlət Şəhərsalma və Arxitektura Komitəsinin fəaliyyəti, Əfqanıstanda qayıdış bölgələrində yaşayış məntəqələrinin yenilənməsi, eləcə də İraqda Yaponiya özəl sektor və QHT-lərlə əməkdaşlıq çərçivəsində sosial mənzil təşəbbüsləri müzakirə olunub.