Komitə sədri Anar Quliyev Şirvan şəhəri, Biləsuvar, Neftçala, Naftalan, Hacıqabul rayon sakinlərinin müraciətlərini dinləmək üçün Şirvan şəhərinə səfər edib
Qəbuldan öncə Ümummilli Lider Heydər Əliyevin abidəsi ziyarət edilib, önünə gül dəstələri qoyularaq xatirəsi hörmət və ehtiramla anılıb.
Görüş zamanı vətəndaşların tikintiyə icazə və torpaq münasibətləri ilə bağlı sualları cavablandırılıb, şəhərsalma və tikinti prosedurlarının sadələşdirilməsi və Komitə tərəfindən yaradılan elektron icazə sisteminin üstünlükləri barədə vətəndaşlara ətraflı məlumat verilib.