Bakı Şəhərsalma Həftəsinin növbəti tədbirində məktəblilərin dayanıqlı şəhər gələcəyinə baxışı diqqət mərkəzində olub
“Davamlı şəhərlər üçün şagird səsləri: Təhsil vasitəsilə ilhamlandıran fəaliyyət” adlı interaktiv seminar çərçivəsində şagirdlərlə Dayanıqlı İnkişaf Məqsədləri (DİM), ekoloji tarazlıq, ictimai məkanlar, insanyönümlü şəhərsalma yanaşmaları və dayanıqlı urbanizasiya prinsipləri mövzularında müzakirələr aparılıb. Sessiyada uşaqlarda erkən yaşlardan şəhər mühitinə məsuliyyətli yanaşmanın və davamlı şəhər inkişafı anlayışının formalaşdırılmasının əhəmiyyəti vurğulanıb.