Bakı Şəhərsalma Həftəsi çərçivəsində “Davamlı şəhərlər və iqlim fəaliyyəti”, “Tarixi qoruma və urbanizasiya balansı” mövzularında gənclərin iştirakı ilə BMT Modeli Simulyasiya Konfransı keçirilib.

Tədbirdə dayanıqlı şəhər inkişafı, iqlimə davamlılıq və mədəni irsin qorunmasının müasir urbanizasiya proseslərinə inteqrasiyası məsələləri ətrafında müzakirələr aparılıb. Simulyasiya formatında təşkil olunan konfransda iştirakçılar şəhərsalma sahəsində qlobal və yerli çağırışlarla bağlı müxtəlif yanaşmalar və həllər üzərində fikir mübadiləsi aparıblar.